Nod y prosiect yw ceisio deall yn well pa ran sydd i dechnoleg IoT mewn ymdrechion i fod yn fwy effeithlon wrth daenu slyri. Mae cyflwr y pridd, y lefel trwythiad, lefelau glawiad a thymheredd yr aer oll yn dylanwadu ar ba mor debygol y mae dŵr o lifo oddi ar gaeau. Pan mae hyn yn digwydd ar ôl taenu slyri gall wastraffu ffynhonnell faeth werthfawr ac mae’n berygl o lygru cyrsiau dŵr naturiol.



Bydd synwyryddion IoT lefel trwythiad, synwyryddion lleithder pridd, mesuryddion glaw, ac synwyryddion lefel y storfa slyri yn cael eu lleoli ar y tair fferm:



Bydd y wybodaeth a geir o’r gwahanol synwyryddion yn bwydo i ap a fydd yn dangos map o’r caeau fel dangosfwrdd, gan ddangos y caeau sy’n addas/ anaddas i daenu slyri arnynt. Bydd y prosiect hefyd yn gwerthuso’r cyfle i IoT gael ei ddefnyddio i wneud hunanarchwiliadau, drwy gofnodi amodau amgylcheddol a rhagolygon y tywydd ar gyfer ffermydd fel tystiolaeth bod slyri yn cael ei daenu mewn amodau addas bob amser. Y prosiect hwn fydd y cyntaf o’i fath yng Nghymru a bydd y grŵp yn gwerthuso’r fethodoleg o ddefnyddio technoleg IoT at ddefnydd amaethyddol penodol megis rheoli slyri er mwyn canfod arferion da y gallai ymdrechion eraill i ddefnyddio IoT mewn ffermio eu mabwysiadu.